මගේ පුතු චේ

තම පුතකු පිළිබඳ  සැමරුම් දිගහරින්නට පියෙකුට ඉඩ සැලසෙනුයේ  ඉතා කලාතුරකිනි.තම පුත්‍රයා  ලෝකයේ ගමන් මඟ වෙනස් කළ මානව හිතවාදී අරගල කරුවකු වූ විට එය තවත් තීරණාත්මක වේයි.අර්නෙස්ටෝ ගුවේරා ලින්ච් එබන්දෙකි . කුඩා මල් පැලය දුක් පීඩා විඳිමින් මහ ගසක් බවට පත්ව විලිලා ලොව සුවඳ කරනා මලක් බිහිකිරීමේ අන්දරය මලේ ලස්සන හා සුවඳ තරම් සොඳුරු නොවනු ඇත.එහෙත් ඒ පුවත ද ඔබ හොඳින් දන්නේ නම් ඒ කෙරෙහි ඇති ආදරය, ළබැඳියාව සිය දහස් ගුණයකින් වැඩි වෙයි. අර්නස්ටෝ චේ ගුවේරා සම්බන්ධයෙන් ගත් කල ද එය එසේමය.