කතෘ : ශමෙල් ජයකොඩි
ප්රකාශනය : සරසවි ප්රකාශකයෝ
කෘතිම දරු පිළිසිඳ ගැනීමක් ප්රාර්ථනාවෙන් ප්රතිකාර පතා ඇමරිකාවේ චිකාගෝ නගරය වෙත සංක්රමණය වූ ලාංකික යුවළකගේ අවුරුදු දාහතක් වයසැති දරුවා වටා ගෙතුණු කතාවකි මගේ ‘චිකාගෝ හදවත’.කලු ජාතික මිතුරන් හා ගැටෙමින් වෙලෙමින් එයම පන්නරයක් කරගනිමින් සිය අනන්යතාවය නිර්මාණය කරගන්නා ගැටවරයෙකු ගේ ජීවිතාරම්භයකි එය. ඉරණම විසින් තලාපෙලා අධ්යාපනය විසින් හැඩගස්වන ලද සෙල්ලක්කාර යෞවනයකු ගේ පාසල් විය ගැන කියවෙන උන්මාදනීය යථාර්ථයකි. සම්ප්රදානුකූල චින්තනය මැදින් අපූර්වත්වය සොයා යාමේ මෙහෙවර ඔසවාතැබූ මානව ලාලසාවකි. එලෙසම එය කළු ජාතික අප්රිකා- ඇමරිකානුවන්ගේ ජීවන රටාව තුළ වසන ආසියානු පවුලක් සතු නොපසුබට වීරිය ගැන ආත්ම භාෂණයකි. මේ සියල්ල සමග එය නිදහස සොයා යන මිනිසා හසු කරන රුදුරු හුදෙකලාව හා ආධ්යාත්මික විමුක්තිය ගැන දාර්ශනික මානයකි.