හිට්ලර් ගේ දින සටහන්

1945 අප්‍රේල් මස 22 වන විට තමා සටනින් පරාජය ලබා ඇති බව ජර්මානු නායකයා පැහැදිලිව තේරුම් ගෙන සිටියේය.එදින සවස පැවති සාකච්ඡාවේදී හිට්ලර් එම කාරණය යුද සෙනවිවරුන් ට පවසා ඇත.එදින සවස හතරට තම පෞද්ගලික සේවකයෙකු වන ජූලියන් ඉස්කූබ් කැඳවීය. ඔහු හිට්ලර්ගේ ලේකම්වරයාද, ආරක්ෂකයාද, පණවිඩකරුවාද විය.ඔහු වසර විස්සක් පමණ හිට්ලර් සමඟ විශ්වාසවන්තව කටයුතු කර ඇත.

රාජ්‍ය නායකයා සහ ජූලියන් හිට්ලර්ගේ නිදන කාමරයට ගොස් එහි සවිකොට තිබුණු අඩි 7ක් උස අඩි තුනක් පළල වානේ සේප්පුවක් විවෘත කළහ. එහි තිබුණේ රාජ නායකයාගේ පෞද්ගලික ලියකියවිලි ය. ඒ සියල්ලම සූට්කේස් කිහිපයක සොයා බංකරයෙන් උඩ පිහිටි උද්‍යාන භූමියට ගෙන ගොස් පෙරදිනක බෝම්බ වැටී හැරී තිබූ ලොකු වළක දමා ගිනිබත් කරන ලදී.