රෝස් කතා මාලාව

අද්භූත මායා බලයක් සහිත කුඩා දැරියකු වූ රෝස් තමා හැදී වැඩුණු අනාථ නිවාසයෙන් නික්ම ගෘහ සේවිකාවක ලෙස රැකියාව ලබනුයේ ධනවත් නිවහනකය.

එම නිවසේ හිමිකරු රාජ්‍ය උපදේශකයෙකු ලෙස කටයුතු කරයි. මේ අතර රජුගේ දියණිය අතතුරුදහන් වෙයි. කුමාරිකාවකගේ අභිරහස් අතුරුදහන්වීම පිටුපස තිබෙනුයේ ඉන්ද්‍රජාලික මායා බලයක් බව කියවේ. ඒ අතර මුළු රටම හිමෙන් වැසී, රට පුරා දරුණු සීතලක් පැතිර යයි. නැති වූ කුමරිය සොයා ගැනීමටත් අකාලයේ උදාවූ ශීත සමයේ අභිරහස සෙවීමටත් හැකියාව ලැබෙන්නේ රෝස්ටය.

එසේම කාලයක් තිස්සේ රජ පවුලට කෙනෙහිළිකම් කළ යාබද රටක විසූ ගොසැමර් නම් මායාකාරය හා වෙන් නම් නිලධාරියා රජු ළඟ තිබූ පැරණි වටිනා මායා වෙස් මූණක් සොරාගෙන යාමෙන් තුන්වන කතා සමය ඇරඹේ, රෝස් රාජකීය මායා ශිල්පියා සමග වැනීසියට ගොස් මුහුණු පෑ ආපූරු සිදුවීම් මෙහි ඇතුළත්ය.