පිටුවහල් සිත්තරී

එදා රෑ ..උන් හදිසියෙන් අපේ ගෙදරටත් ආවා .ඇඳගෙන හිටපු ඇඳුම පිටින්ම උන් අපිව අපේ ගෙදරින් ඇදගෙන ආවා .කිසිම වරදක් නොකරපු අපිව ,”හොරු සහ ගණිකාවෝ” විදිහට ලේබල් ගහලා අපේ ගෙවල් වලින්, අපේ අයගෙන්, අපේ රටෙන් ගොඩක් ඈතට අරන් ආවා .

අපේ ජීවිත සදහටම වෙනස් වුණා .

අපේ ජීවිත විතරක් නෙමේ තවත් මිනිස්සු සිය දහස් ගණනකගේ ජීවිත සදහටම වෙනස් වුණා .

ලෝකෙ අපි ගැන දැනගෙන හිටියේ නැහැ .මුළු ලෝකයටම අපිව අමතක උනා .ලෝකෙටම රහසින් අපේ රටවල් ලෝක සිතියමෙනුත් මැකිලා ගියා

ඒත් තවමත් …

අපේ කතාව මේ ලෝකෙට කියන්න අපිට අවසර නැහැ

ඒ නිසාම අනන්ත දුක් විදපු අපේ මිනිස්සු වෙනුවෙන් අපේ ජාතිය වෙනුවෙන් අපේ රටවල් වෙනුවෙන් තරුණ දුවෙකුට කරන්න පුළුවන් උපරිම  යුතුකම මම කළා .