කඳුකරයේ විරු දරුවෝ

සමහරවිට ඔවුන් හැම දෙනාටම බියමුසු හැඟීමක් දැනෙන්නට ඇත. හදිසියේම ඔවුන් එකිනෙකා මුහුණින් මුහුණ බලන්නට වූයේ අනතුරක් පිළිබඳව හැඟුණු අයුරිනි.

“ඒ සර්පයෙක් ද?” හාවි කෙඳිරුවේය. ළමෝ ඔහු නොතකා සිටියහ.

“මට පිඹින හඬක් ඇහුණා. ඒ සර්පයෙක් වෙන්න ඕනි”

” ෂ්…ෂ්….නිශ්ශබ්ද වෙන්න”

ගසීට අයිස් මෙන් සීතල දෙව්ලීමක් දැනුණි. ඒ සර්පයෙක් නොවීය. ඌ පිම්බේ නැත. හඬ පැමිණියේ බරැති සතෙකු මඩ මත පා තැබූ අයුරිනි.