අපරාජිත ජීවිතයක්

අපරාජිත ජීවිතයක් වූ කලී විභූතිභූෂණ බන්ද්‍යොපාධ්‍යාය ගේ “අපරාජිතෝ”  නම් වූ නවකතාවේ සිංහල පරිවර්තනය යි.වංග බස පිළිබඳ මනා පරිචයක් ඇති චින්තා ලක්ෂ්මී සිංහ ආරච්චි  මුල් කෘතියේ සාරය, රසය නුසුන් කොට සිංහල පාඨකයා හමුවට පමුණුවා ලීමට සමත් වී තිබේ.ඈ විසින් ම පරිවර්තනය කරන ලද මාවතේ ගීතය නම් වූ කෘතියෙන් සහෘද මනසට පිවිසුණු “අපු” නම් වූ සදා අනුස්මරණීය චරිතයෙහි ගැටවර විය  අපරාජිත ජීවිතයක් නවකතාවට විෂය වී ඇත.සෑම ගැටවරයෙකුටම ජීවන අරගලයට මුහුණ දීමට අවශ්‍ය ආත්ම විශ්වාසය පිළිබඳ ගැඹුරු අරුතක් කුළුගන්වන මෙම නවකතාව සත්‍යජිත් රායිගේ සිනමා කාව්‍යයක් බවට ද පත් විය